Жұмысқа тиімді AI: ASUS ExpertBook жасанды интеллекті қалай пайдаланады
Уилл Смит «Мен, робот» фильмінде гуманоид машинаға ұрысқаны дұрыс болмапты: ноутбуктар қазір симфония шығарып, картина жаза алады. Олар бұған санаулы жыл ішінде үйренді, біз оны байқамай да қалдық. Енді жасанды интеллект түрлі салаға бойлап, күнделікті жұмысты орындауға көмектесіп жатыр. Біз ASUS ExpertBook жаңа ноутбуктар үлгісі мысалында әртүрлі жағдайда қолданылса да, ыңғайлы әрі сенімді көмекшіге айналған нақты AI құралдарын зерттедік.
Негізгі жұмыс процестерінде қолданылатын жасанды интеллект
ASUS қолданушыға білінбей жасанды интеллектің күнделікті жұмысты жеңілдететін және көмектесетін бірнеше негізгі бағытын жүзеге асырды. Кейбір жұмысты орындағанда жасанды интеллект қолданылатынын білгенде көбі таңқалатын шығар. Ерекшелік, міне, осында: ExpertBook ноутбуктарының мақсаты – қосымша ақпаратпен қолданушының басын қатырмай, керісінше, адам шынымен маңызды іске назар аударсын деп, оның жұмысының бір бөлігін өз бетінше орындау.
Шешім әмбебап: мұндай ноутбук үйде де, кеңседегі стандартты тапсырмаларды орындауға да, тіпті жүктемесі ауыр жұмысқа да жарамды. Ал, энергия шығынын бақылайтын интеллектуал жүйенің арқасында құрылғы күні бойы дамылсыз жұмыс істеуге қауқарлы.
Компания төрт бағытты ерекшелеп алған: AI Assistant, AI Productivity, AI Security және AI Collaboration. Әр бағыттың тілдік кедергіден өтетін, қауіпсіздікті қамтамасыз ететін, жайлылық пен іскерлік этикетті жетілдіретін мүмкіндіктер жинағы бар. Технологияның барлық төрт түрі пайдаланушыға күнделікті көмектесіп, жұмысын оңтайландыруға бағытталған.
AI Productivity қоңыраулар сапасын жақсартатын ExpertMeet софт жинағымен ерекше. Коворкингтерде, әуежайлардың күту залында және кофеханаларда отырып, қашықтан жұмыс істеу әдісіне көшу бірқатар проблема тудырды:
- Үнемі байланыста болу – айтпақшы, осы тұста ExpertBook ноутбуктарында қуат тұтынуды оңтайландыруға арналған LTE-модульдер мен AI-амалдарды қолдану өте ыңғайлы.
- Қоңыраудың жоғары сапасы – бұл видеоға да, аудиоға да қатысты. Егер жұмыс бойынша қоңырау шалғанда экранның ар жағындағы адам сізді нашар көріп немесе естімей тұрса, бұл жайт кәсіби маман ретінде сіз туралы әсерді бұзуы мүмкін.
AI ExpertMeet кез келген жағдайда пайдаланушыны бірінші орынға қояды. Митке балалар ауруханасының екпе кабинетінде отырып қосылсаңыз да, сіздің даусыңыз айналадағы дыбыстардан анық естіледі. Бұл ретте AI Voiceprint технологиясы көмектеседі, жүйе сіздің дауысыңызды есте сақтап, тек соны ғана естіртеді, ал жасанды интеллект алгоритмдері айналадағы шуды басады. Бір ноутбуктан бірнеше адаммен митинг өткізу керек болса, келесі бір режимді қосуға болады – ол кезде ExpertBook ноутбукты әрқайсысына жақындатпай, әр спикерге жеке назар аудартады. Веб-камерасы (Full HD) да жасанды интеллектің арқасында сапаға мән береді: жүйе артқы фонды бұлдыратып, жарық пен бейнені жақсартады. Осы және аудиоға арналған AI-пакет AI Collaboration жинағына кіреді.
Әркімнің жеке синхронды аудармашысы бар
AI Meeting – жақын болашақтан қазіргі заманға кездейсоқ тап болған технология. Дәл осы сәтте сөзді бір тілден екіншісіне аудару – бір кездесуге бірнеше елдің адамы қатысып отыратын, халықаралық компаниялар үшін таптырмас құрал. Технология әңгіменің мәтін нұсқасын ғана емес, кездесу кезінде айтылған негізгі жайттардың қысқа мазмұнын шығарып бере алады. Бұл қоңырау арқылы кездесу ұзаққа созылған кезде, әсіресе, маңызды. Функция конференцияларға қолданылатын (Google Meet, Zoom және т.б.) бағдарламалармен қатар қосылады, сондықтан үйреншікті құралдарды ауыстырудың қажеті жоқ.
Келесі бір маңызды пакет – AI Security. Әдетте, жұмыстағы барлық ақпарат құпия саналғандықтан, деректер қауіпсіздігі аса маңызды. Business Watermark жүйесі презентация бетіне таңба салуға мүмкіндік береді, сондықтан қоңыраулар кезінде экранды көрсетуді жеңілдейді. Тағы бір пайдалы нәрсе – сіз сөйлеп тұрған кезде экранға автоматты түрде цифрлық визитка шығарылады.
Қауіпсіздік туралы. ExpertBook сериясы BIOS секілді бірнеше деңгейлі қорғау жүйесімен жабдықталған. Сонымен қатар, бағдарламалық жасақтамаға зиянды кодты енгізуге мүмкіндік бермейтін TPM модулі де бар. Күшті бонус – P-топтамасын сатып алушыларға McAfee+ антивирусына жылдық премиум жазылым беріледі.
ExpertBook ноутбуктарының жаңа топтамасы AI Assistant-тің барлық мүмкіндігін қамтиды, оның ішіне Microsoft Windows Copilot пен Copilot+ (ExpertBook P5-те ғана бар) кіреді. Корпорация жасанды интеллектің мүмкіндіктерін үнемі кеңейтіп және жетілдіріп отырғандықтан, уақыт өте келе қызметтер саны көбейіп, жұмыс одан сайын жеңілдейді.
Алдағы жылдарға жететін қуат қоры
«Темір» жағы қалай екен? ASUS ExpertBook P5 – соңғы серияның флагманы. Үздік модель атына лайықты болғандықтан, мұнда софт қана емес, материалына да ең заманауи шешімдер қолданылған. Қақпағын ашқанда ажыратымдылығы 2,5К және жаңару жиілігі 144 Гц болатын 14 дюйм дисплейді көресіз. Мұндай сипаттама бұған дейін тек геймерлер мен шығармашылық адамдарына арналған ноутбуктарда болатын. Құрылғы мәртебесі барлық жағдайды ескеруді қажет етеді: жұмыс біткеннен кейін, мысалы, фильм немесе сериал көргіңіз келеді және осындай дисплейдің арқасында жақсы уақыт өткізесіз.
Құрылғының салмағы – 1,27 кг, ал қалыңдығы – 14,9 мм, күні бойы сөмкеңізде тасып жүрсеңіз де білінбейді. Айтпақшы, ноутбук эстетикасы мен материалдың жоғары сапасын растайтын Good Design Awards 2024 сыйлығын алды.
Портында қажеттінің бәрі бар: тез жұмыс істейтін Thunderbolt 4 (Type-C) мен 2.1 стандартты HDMI де, «кәдімгі» USB Type-A (3.2 Gen 2) де бар. Бұл форматтағы аксессуарлар әлі де көп және пайдаланушы адаптер сатып алуға мәжбүр болмағаны жақсы. Сымсыз қосылудың тұрақты болуына ең жаңа формат – Wi-Fi 7 жауапты, оның арқасында ғаламторға қосылу жылдамдығы ғарыштағы жылдамдыққа жақындайды.
ExpertBook P5 жұқа корпусында Intel Core ultra 2 сериясының процессоры орнатылған. Ол Intel процессорларының жаңа буыны. Intel Core Ultra 2 сериясы қуатты аз тұтынады және өнімділігі жоғары. Жедел жады көлемі 32 ГБ-қа (LPDDR5X) дейін, ал SSD дискісі 3 ТБ-қа дейін болуы мүмкін. Яғни, үлкен көлемдегі жұмыс файлдарымен жылдам жұмыс істеуге де, сондай-ақ фотоархив, кино, музыка сақтауға да орын жетеді.
Әртүрлі бюджетке модель бар, бірақ бәрі де AI-мен
ExpertBook P1
P5 компаниясына P1, яғни P сериясындағы ең қолжетімді ноутбук қосылды. 14 дюйм (P1403) нұсқасынан бөлек, сәл үлкенірек – 15 дюйм (P1503) бар. Екеуінің де матрицасы Full HD ажыратымды. Негізгі нұсқада ExpertBook P1 8 ГБ жедел жады бар Intel Core i5 процессорында жұмыс істейді және қажет болса, неғұрлым қуатты Core i7 нұсқасын таңдауға болады. Әрине, құрылғы жасанды интеллект мүмкіндіктерін пайдаланады.
ASUS ExpertBook P Series-ті кәсіби мамандар мен шағын кеңселерге арналған керемет ноутбук деп сеніммен айтуға болады.
ExpertBook B сериясы
Бір саты төмен тұрған модельдерде де жасанды интеллект және Microsoft Copilot мүмкіндіктері қарастырылған. Деректерді киберқауіптерден қорғау технологиясы да бар.
Сондай-ақ, айналадағы шу мен жаңғырықты азайту, спикердің дауысын күшейту, жеке адамға басымдық беру және т.б. мүмкіндіктері бар ASUS AI Audio және AI Camera пакеттері қарастырылған. AI есептеулеріне арналған үш чипі бар Intel Core Ultra процессорының арқасында кез келген тапсырма тез орындалады. Салқындату жүйесі стандартты пайдалану режимінде де, қақпағы жабылған кезде де тиімді, өйткені пайдаланушылар кейде ноутбукті сыртқы мониторлар мен аксессуарларды қосу арқылы док-станция ретінде пайдаланады. Мұндай форматта да ExpertBook қуатты темірдің жұмыс температурасын өте жақсы сақтап тұрады.
Бұл үлгіге дискретті NVIDIA GeForce RTX2050 видеокартасы қойылған, 32 ГБ жедел жадымен, сондай-ақ 1 ТБ жылдам SSD-дискімен жабдықталуы мүмкін. Негізгі ерекшеліктері:
- Аккумуляторы жұмыс уақыты созылып кетсе, 13 сағатқа дейін жұмыс істейді, ал жылдам зарядпен 40 минут ішінде энергияның 50%-ын толтырады.
- Wi-Fi 7-ден басқа, мұнда LTE-модулі де бар, яғни ұялы байланысы бар кез келген жерде жұмыс істеуге болады.
Ескі нұсқасындағыдай оның 64 ГБ жедел жады болуы мүмкін, бұл – көп жылға жететін қор.
- Соңғы буын Intel Core Ultra процессорлары қолданбалардағы өнімділікті 59%-ға дейін арттырады, ал GenAI шешімдері үш жыл бұрынғы құрылғылармен салыстырғанда шамамен 73% жылдамырақ жұмыс істейді.
- B5 сонымен қатар биометриялық аутентификациямен жабдықталған, бұл ноутбуктағы барлық ақпараттың құпия болуын одан әрі арттырады.
- Үлгі 14 және 16 дюймдік екі нұсқада шығарылған.
***
Жасанды интеллектке көңіл бөлудің арқасында ASUS ExpertBook ноутбуктерінің жаңа топтамасы кез-келген жұмысқа – үй шаруасы, жұмыс, бизнес немесе корпоративті сегментке лайықты таңдау болмақ. Жасанды интеллект тапсырмаларды оңтайландыруға, оны орындауды ыңғайлы және тиімді етуге бағытталған. Заманауи девайстар қазірдің өзінде жай машина емес, пайдаланушылардың нағыз көмекшісіне айналды, ал жаңа құрылғылар осы трендке толықтай сәйкес.
